Los Bolegaires de noveme de 2000-N°6

a la mairau dab Marisa

lo quasern de ligason dab Caròla

La mea setmana a l’escòla, lo 17 de noveme

Qu’èm anats tà la gim. Beatrice qu’èra malauda, e arrés ne s’ac an dit. Après un mossur qu’a ubert la pòrta, mes n’avè pas la bona clau en purmèr ! Qu’avem enquëra atendut dehòra. A la fin, qu’avem totun podut har gim dab Sònia e Caròla.

Qu’avem hèit pintrura dab las traças de horquetas e cotèths dab Sònia.
Qu’avem hèit lectura dab Sònia.
Qu’avem dessenhat e descopat las fòrmas geometricas e hèit las chifras en pasta de modelar.
Sònia qu’a contat l’istòria d’Amina, la petita africana.
Qu’avem hèit lectura en francés dab Ania.

La mea setmana a l’escòla, lo 24 de noveme

La mamà de Maxime qu’ei vienuda.
Qu’a amuishat los instruments qui son dens la saca d’ua infirmièra ! Que i avè agulhas e seringues. Qu’avem vist tanben plen de sòrtas de pansements e la pèth que pòt respirar per devath. Que’ns a amuishat los guants de çurgent e que’s avem ensajats ! Que serveishen a non pas hicar micròbis sus los malauds.

Dimarts, qu’avem hestejat l’aniversari de Deborah, qu’a avut 5 ans, mes a la fin qu’a plorat !
Diluns, qu’avem hèit lo bricolatge dab Martine, la mamà de Leo. Qu’avem començat de har un parpalhou en carton e qu’èra super !
Uei, qu’avem cantat dab la classa de Marisa duas cançons en espanhòu e qu’avem escotat la cançon tà Nadau.

en CP

en CE1

lo film de Tigro, dessenh LL

observacion de causas, dab Aldjia

en grana seccion

en cicle 2

en cicle 3

en francés dab Elòdia

les papas

Gulliver à Lilliput, par les CM2

mots croisés de la BCD, par Lisa, Émie et Édouard

le livre du mois

la pagina deus gormands

còca de cuja, receta de Sòfia ANE

Ingredients
 300g de cuja
 300g de sucre
 1 irange
 300g de haria
 1 citron
 2 ueus
 20cl d’òli
 1 paquet de lhevami
 sau
 canèla

Procediment
 1)Arraspar la cuja, e la pèth deu citron e de l’irange.
 2)Mesclar los ueus e lo sucre dab ua pechicada de sau, dens un topin.
 3)Horní’i la cuja, l’òli, la haria, lo lhevami, 2 culhèrs-cafè de canèla,
 puish la pèth de l’irange e deu citron. Mesclar de plan.
 4)Plear un motle dab la mescladís.
 5)Har còser au horn (200°C) pendent ua òra.

Bona hami !

La cosina es dangerosa, per Edoard e Evolaine

 E vòs har la cosina dab jo ?
 E quiòc !
 Ei inventat una receta navèra.
 Una còca ?
 Oc ; dehens que i a cuja, irange, citron e la pasta.
 Aimi pas la cuja. La cuja es per Halloween.
 Mes, qu’es per los autres. Anem, qu’i vam ! Passa me lo cotèth !
 Avisà’t pas te copar lo dit !
 Tròp tard !
 Allo, lo 18 ? los pompièrs ?
 Estòp, contunh de pelar la cuja en lòc d’aperar los pompièrs !