calendaris de 2001 e 2002

2001 - lo nòste calendari

debanament

 Octobre de 2000 : En conselh, am decidit de har un calendari per lo vénder per la caisha de la classa ; i aurà 12 paginas e una cobèrta : un mes dessenhat per cada còishe, e la cobèrta per lo 13au (qu’èm 13 escolans, 2 CE2, 6 CM1 e 5 CM2).

 Noveme de 2000 : A la domanda deu Conselh d’Administracion de l’associacion, quauques cambiaments : vam har lo calendari dab las classas de Marisa e Caròla, e que serà venut per la caisha de l’escòla.
 I aurà una sola fuelha en carton en A3 o A4 en color, lo CA prenerà en carga las fotocopias color.
 Valèria S. nos perpausa una maqueta polida en A4 : un calendari com lo deus pompièrs, dab los nòstes dessenhs redusits ... com a Lilliput.

 Deceme de 2000 : Cadun causeish son mes, o meilèu sa hèsta : n’i a quate que causeishen Nadau e Cap d’an ! e digun per la dintrada, solide !
E puish fau pas desbrombar de guardar de la plaça peus dus amics malauds qui van tornar.
Purmèra seria de dessenhs : èm hòrt contents deu nòste tribalh.
Mes quan gaitam los dessenhs redusits a la copiadèra e aficats sus un panèu, quala decepcion !

Fau tot tornar començar,
 passar deu format orizontau Paísatge au format verticau Portrait,
 cambiar l’organisacion de cada dessenh,
 tot coloridar shens deishar espàci
 e enfin verificar si las colors deu nòste mes van bien dab las deu mes d’a costat.

 Divés lo 15 de deceme : Causida deus dessenhs hèits per las autras classas. Prénem un beròi mandalà d’Amandina per l’an 2001, e los parpalhòus de Lisà per lo logo de la Calandreta.

 Diluns lo 21 : Lo calendari es hèit. Oah !
Hèm un panèu d’espausicion dab tots los dessenhs per amuishar lo nòste tribalh gigant aus parents, doman, a la hèsta de Nadau de l’escòla.

2002

lo calendari

talhèr d’escritura de poesias peu denvèrs